«Akkta elefánnta budij dälbmomin» lä mánájlävvludis mij lä iemelágátj Vuonan («En elefant kom marsjerende), Sverjin («En elefant balanserade») ja Dánmárkan («En elefant kom marcherende»). Olve Utne lä jårrgålam lävvludasav bidumsábmáj.
Årre såbtsoj guosan
«Årre såbtsoj guosan» lä mánájlävvludis mav lihtij Alice Tegnér. Inger Fjällås ja Peter Steggo lin dav jårrgålam bidumsábmáj.
Bärdna årrá
«Bärdna årrá» jala «Bärdna åđđá» lä mánájlävvludis. Inger Fjällås ja Peter Steggo lin dav jårrgålam bidumsábmáj.
Siejve, siejve nástátjam
«Siejve, siejve nástátjam» lä mánájlävvludis. Inger Fjällås ja Peter Steggo lin dav jårrgålam bidumsábmáj.
Buvvda
Buvvda (bidumsámen) jala Bådåddjo (julevsámen), nuarrtasámen Budejju ja vuonagielan Bodø, lä stáđđa ja kommuvdna Sálton ja Nordlánda fylka fyllkaåjjvestáđđa. Lä 55 759 (1.1.2021) årroja Buvda kommuvnan. Stáđđa lij vuođoduvvum 1816, ja suv dulutj…
Fuassko
Fuassko (bidumsámen, julevsámen Fuossko) jala Fuajjsko (bidumsámen), dárogielan Fauske, le stáđđa ja kommuvdna Sálton. Lä 9 603 (1.1.2022) årroja Fuosko kommuvnan. Fuosko kommuvna plássa lä Fuassko. Ietjá dáfo Fuosko kommuvnan lä Valnesfjord, Finnájjde…
Bájjdár
Bájjdár (bidumsámen; julevsámen Bájddár, nuarrtasámen Báidár, vuonagielan Beiarn), lä kommuvdna Sálton. Lä 1 012 (1.1.2022) årroja Bájjdára kommuvnan. Bájjdára kommuvna plássa lä Moldjord. Ietjá dáfo Bájjdára kommuvnan lä Guollevágge (vuonag. Arstaddalen), Riebevágge (vuonag….
Mija ävvudip sämij älbmukbiejvev gåvvåmáno 6. biejven 2023 Kultuvvraviega mildi, Vässtajávrátjij bïvdnaståbon
Mija vuoge mildi gallgap sämij älbmukbiejvev ävvudit Bájjdára- ja Skierrestáđđeguovlon. Åvdep jigijn läp dav dahkam Dåkmuonon jala Riebevággen. Dán jagen jåhtep Bájjdárváre bajelt ja ävvudip Vässtajávrátjij bïvdnaståbon. Dán jage prográmman lä mässo, umas lågådallama ja mårredis rádnastallam.
Sámemáddo lävvludis
«Same soga laula», jala «Sáme vierrega lävvludis» bidumsámen, lä dikkta ja lävvludistäkksta mij Isak Saba tjälij. «Same soga laula» lä jårrgåluvvum varrga gájk sámegielajda — 2022 áj bidumsábmáj.
Bä, bä, libbatjam
«Bä, bä, libbatjam» lä bidumsáme versjuvdna eŋŋilsgiella mánájlävvludasast «Baa, baa, black sheep». Alice Tegnér lihtij dav melodijav mav lä dálä adnám Skandinávian. Inger Fjällås ja Peter Steggo lä jårrgålam tiekstav bidumsábmáj.
Halász Ignácz
Halász Ignácz jala Ignaz Fischer (1855–1901) lij uŋgáralatj-juvdálatj filolågå gie lä dåbdos suv bargost sámegielajt tjåhkketjállet. Sån lij tjállám guäkkte girjijt bidumsámegiela birra: A Pite-lappmark Arjepluogi egyházkerületéből (1893) ja Pite lappmarki szótár és nyelvtan (1896).
Teknijkalatj vájve spájtasvadnasin – ginugahttá vuällgemav dán iehkedin
Vuällgem Buvdast Suolovierra gugu 18:00 bálen gasskavahkon 04.01.2023 ginugahteduvvu teknijkalatj väjvij MS «Jernøy»an dehti, Dav diededa Nuarrtalánda fyllkakommuvna trafijjkavidnudak Reis Nordland.
E6 Sálltoduaddara bakkto vistik rahpam
Ijan åđđåjakiehkeda åvvdålin diededa Stáhta viegaåjválatj gu E6 Sálltoduaddara bakkto lä stäggiduvvum.
12:00 bálen mähttin Viegatrafijjkaguovdátj nuarrta diededit gu viega lä juo rahpaduvvum iemelágátj trafijjkaj. Akta bálen pusstijin áj váđđávágodasav fällbarij, suvdára ja juhtusij viega midi birra.
Jåvvlåmárrtná Muvvon
Lávvodagan bassemáno 19. biejven lij jåvvlåmártnátj Muvvon Fuosko kommuvnan. Mådde almatja buhtin, ja lij ullu hávvskes jåvvlånuohpe dannä.
Fálláj vuolle
Åđđå gåbbátjak bidumsáme ja julevsáme mánájgirrje lä luojteduvvum. Eŋŋilsgiella állgoviddusa namma lä The whales’ song. Tjállej lä Dyan Sheldon, ja Gary Blythe gåvåda dav. Olve Utne lä jårrgålam bidumsáme tiekstav, mav lä nammaduvvum Fálláj vuolle. Julevsáme täkksta lä nammaduvvum Sválláj vuolle, ja dav lä Birgit Andersen jårrgålam.