Ádtjak lij Vuona Sámedigge ássjeåvdånibme bidumsáme ja ubmejsáme giellaälládahttema birra luajjtám. Dan sinnä vuäjdnep gu Vuona Sámedigge sihtá barrgat bidumsáme giellaälládahttemij gidda. Mådde almatja bidumsáme birrasa lunnä gåbbátjak Vuonan ja Sverjin gillgi maj dán birra ávon årrot. Män tjállemstïvvrá Sállto.no lä lijjká åvros gu gähttjá gukkte Sámedigge gåvåda dálátj Vuona bidumsámevijjurijt.
Åđđå ja stuorep sávveståhpo Muvvon
Margareth Ranberga vidnudak Ranberg mat og søm / Ranberg bäbbmo ja sávve, gunne lä dahkaduvvum bidumsáme gäptijt ja ietjá duojjevárojt, lä sirrdám åđđå ja stuorep sávvestuhpuj Muvvon Fuosko kommuvnan.
Diededimplakáhta bidumsámen
Juŋŋkarvuome nasjonálpárrka lä nasjonálpárrka Sálada ja Fuosko kommuvnajn Nuarrtalándan. Nasjonalpárrka gåbbtjá várreiednam Sulidielmá ja Juŋŋkarvuome gaskan. Gu gillgi dahkta åđđå diededimplakáhtajt Juŋŋkarvuome nasjonálpárrkaj lij bidumsámegiella välljiduvvum.
Duaddara Ráfe – ráđđedibme mija vájbmogiela birra
Uddni ådtjojga stïvvráåjjve ja bäjjválatj jådedäjje Duaddara Ráfen vuäjdnet Sámedigge ássjeåvvdånimev Vuona biele bidumsáme ja ubmejsáme älládahttema birra.
Dálä máhtá lässtit vulus BidumBágoj báhkogirjijt dásstä
Åvdep verrtij maj mannat Facebook:aj gu sidaj lässtit vulus BidumBágo-áppav. Män dálä lä bielle dánnä masstä máhtá lässtit vulus BidumBágoj báhkogirjijt bidumsáme ja girrjevuonagiela / åđđåvuonagiela / sverrjigiela / eŋŋilsgiela / dïvskagiela…
Maria Johansson Persson
Maria Johansson Persson (1877–1960) lij duojjebarrgej ja juäjjgej Luakkta-Mávvasist Árjapluoven. Suv åbbá lij Greta Johansson.
Greta Johansson
Greta Johansson lij juäjjgej Luakkta-Mávvasist Árjapluoven. Sån åbbá lij Maria Persson (r. Johansson).
Hávvskes ja mujtoärrvusatj iehket Vässtajávrátjij bïvdnaståbon
Lij hávvskes ja mujtoärrvusatj iehket Vässtajávrátjij bïvdnaståbon mánnodagan gåvvåmáno 6. biejven. Älbmukbäjjve lij buoragit ävvuduvvum geldulatj lågådallamij, njálga bebmujn ja mådde gussij.
Mårredis ja dåbbdådevvum älbmukbäjjve-ävvudibme Sáladin
Sämij älbmukbäjjve lä juo ävvudam mådde jigijn Nuarrtalánnda nasjonálpárrkaguovdátjin. Män dán bálen lij guassomrekårrdå, mij lij åbå suohtas. Lij ullu mårredis iehket ja alvos tjábbe prográmma. Ronald Nystad Rusaanes ásadij girrjerudnamav girrjetjállejijn Elin Anna Labba.
2022–2032 lä Ikktidam Nasjuvnaj állgoälbmukgiella-lågevjage
Ikktidam Nasjuvnaj åjjvetjåhkånibme lä miededam gu 2022-2032 lä IN:aj állgoälbmukgiella-lågevjage. Vuona Sámedigge ja Kommuvdna- ja guavvlodepartemännta älgij 2022:n barrgat daj merrkimin gåbbátjak Vuona sinnä ja vierálda biraskin
Nuarrtalánndamusea sihtá åđđå museav vuođodit Årrjelbájjdárin
Uddni läp Jäkktaminnulakmusean, gusa Nuarrtalánndamusea lä mijav buvvdim. Seminárra lä åsse musea bargost Årrjelbájjdára girrkosajen. Prosjäkktajådedäjje Audun Torsteinsen däddoda gu sáme histurrja lä ájnas åsse dasstä.
Ságastallam Buvvda2024:jna
Biejválatj jådedäjje Duaddara Ráfen Stig Morten Kristensen ja Maria Hernes, sáme ikktijdäjje Buvvda2024:n IKS, inijga ságastallamtjåhkånimev gasskavahkon åđđåjakmáno 25. b. Vajgu månå runajga umas ábdnasa birra, liebá guäkkte ábdnasa ma liebá ájnamusa.
Sámeiednam guävvdelijt
«Sámeiednam guävvdelijt» lä sämij älbmukvuolle, lä miededuvvum Sämij 22. konferánsan Váhtjerin Jilliváren 2022. Nils Aslak Valkeapää lihtij dav vuolev, man nuarrtasáme namma lä «Sámi eadnan duoddariid». Vuolle lij bäddiduvvum LP:aj sämmá namajna 1978. 1999 sebrudihtij dav suv girrjáj Girddán, seivvodan.
Sámediggeássje bidumsámegiela birra
Vuona Sámedigge gallgá bidumsámegielav sierralágátj ássjen giehtadit ållestjåhkålvasan njukktjamáno 6.–10. bejvijn, tjårgåda sámediggeráđđeladas Mikkel Eskil Mikkelsen.
Nuarrtalánndaseminárra 2023: Nuarrtalánda sáme måddebielakvuohta
Nuarrtalánda fylkan urru mådde sáme, ja lä maj áj mådde sáme urrum dánnä åvvdåhisturjalatj ájge rájest. Dehtus guovlo sämij histurja birra lä bär binnát åhpes ja iednak ij lä änj åtsådam. Nuartalánndaseminárra 2023 gallgap gähttjat sämij histurjav Nuarrtalándan udnátj biejve gidda. Dánnä máhtá prográmmav vuäjdnet ja ietjav sisatjállet Nuartalánndaseminárraj njukktjamáno 15.-16. bejvijn.