2023 lä Sámedigge vaddám 2,5 milljuvna kruvnajt dårrjon kultuvvramujjtoregistrerimij, kultuvvramujjto-diededimsjylltaj, biŋnikvárrjalibmaj ja ietjá sáme kultuvvramujjtoprosjäkktaj.
Gålbmå prosjiekta gallgá registrerit bidumsáme kultuvvramujtojt:
Åđđå jådedäjje Sáme ja állgoälbmugij åtsådimguovdátjij Nuarrta universitiehtan
Tove Mentsen Ness lä nammaduvvum åđđå jådedäjjen Sáme ja állgoälbmugij åtsådimguovdátjij Nuarrta universitiehtan! Duaddara Ráfe – Bidumsáme giella- ja kultuvvraguovdátj sávvap dunji lihkov ja vuorbev åđđå bargon ja ävvudallap aktan barrgat dujna båhtej jigijn!
Sádnesvuohta- ja vienodimkommisjuvdna vaddá diedadusav Stuorradiggáj biehtsemánon
Biehtsemáno 1. b. 2023 12:00 bálen gallgá Sádnesvuohta- ja vienodimkommisjuvdna vaddet suv diedadusav Stuorradiggáj Oslon. Stuorradigge, mij lä diggum diedadusav ja lä dahkej dán ásedibmáj, gallgá strävvit vaddemav.
Suga vadnasavt
«Suga vadnasavt» lä bidumsáme jårrgålibme eŋŋilsgiella mánájlävvludasast «Row, row, row your boat». Suga vadnasavt davás gullimsajjáj;gulli dä säjdijt, tåskåjt ja bálldájt, jaevvurijt áhkkáj ja ájjáj.
Iednak ja buorak duv dahko lä
«Iednak ja buorak duv dahko lä» jala «Dakåhtávuolle» lä dakåhtágiella vuolle mav lihtij Joseph R. Renville (1779–1846) 1842 jagen. Melodija lä «Lac Qui Parle». Vulijn lä 7 viersa. R. Philip Frazier vistiklihtij 2 dajstä eŋŋilsgiellaj, ja dá viersa lä lubbiduvvum iedna lándajda.
Bidumsáme bäjjve
(ABF.se) Burist båhtem ullu bäjjváj bidumsáme birra dunji giejna lä maggár bidumsáme dåbdov vaj vuođov ja gie sida ienabuv lierrat dán birra. Ájjge ja sajje: Bärrjedagan 21 vuoratjismáno 21. biejven 2023 09:30–16:00…
Buorre bässátja!
Mija Sállto.no:n ja Duaddara Ráfe – Bidumsáme giella- ja kultuvvraguovdátjin sávvap mija låhkejijda, mija akktasatjbarrgejijda ja gájkajda ullu buorre bässátjijt!
Sálada kommuvdna sihtá säbbrat sáme giellaháldadimguvvluj
Sálada kommuvna sihtá lävvkit ájnas lávkev gidda sáme giela ja kultuvra jåŧŧkåsibmáj ja ninnimij, ja söhkki säbbramav sáme giellaháldadimguvvluj Vuona Sámelága § 3-1 mildi. Njukktjamáno 30. biejven 2023 lij särra åvvdånammadis- ja kommuvdnastïvvrá-tjåhkånibme, ja sija miededi akktajienaladtjat gu gillgi säddit åtsålvasav.
Mådde berusti sáme bájjkenamajst
Vässtajávrátjij bïvdnaståbon njukktjamáno 28. biejven 2023. Bäjjkuj 20 berustäjje gulldalin dárrkelit gu Inge Strand gehtuj tjåhkketjállemvuoge birra. Ábnas lij gåbbátjak berulatj ja lieralatj. Båhtej lávvke dán prosjiektan lä lierrat gåkktä bájjkenamajt biejjat…
Gåhttjom állgemtjåhkålvasaj bidumsáme guovlo bájjkenamaj birra
Vässtajávrátjij bïvdnaståbon, dijstagan njukktjamáno 28. biejven 18:00 bálen. Bidumsáme musea ja Duaddara Ráfe – Bidumsáme giella- ja kultuvvraguovdátj ásadi akktasatjbarrgon tjåhkålvasav bidumsáme guovlo bájjkenamaj birra.
Histurjalatj bäjjve bidumsáme giellaj
Njukktjamáno 8. bäjjve lij märrkabäjjve bidumsáme giellaj: Dan biejven Vuona Sámedigge ållestjåhkålvas duhkkida akktajienaladtjat bidumsáme ja ubmejsáme gielajt ietjráđálatj ja särralágatj giellan. Dát lä ájnas lávvke sáme giellamåddebielakvuoda várrjalime ja åvdedime gidda, ja duhkkidibme merrki dåjvov gu båhtejájjge litj buorep daj gielajda ja sáme kultuvvraj.
Jahketjåhkålvas Sálto bidumsämij siebre sinnä
Gasskavahkon njukktjamáno 22. b. 2023 19:00 bálen Bájjdára kruvva ja hotiella ludne lä jahketjåhkålvas Sálto bidumsämij siebre sinnä. Lä vájjdám gu sámesäbbre Bájjdárin máhttá duddit dåjmåv ja sjaddat vassjalis gávnadimsajje sáme sjuggelisvuohtaj ja akktasatjvuohtaj. Mija stïvrá sinnä gåhttjop gájjka berustejjijt jahkemáksov mákkset ja båhtet jahketjåhkålvasaj.
– Bidumsámegiela vuostas giellabarrgej Vuonan lä virgáduvvum
Dáv ságasta Duaddara Ráfe stïvvrá, gie njukktjamáno 1. biejve rájest lä läjjgim Olve Utne ráđđedäjjen bidumsámegiellaj. Dálátj ájgen bissu virrge akkta jagev åssevirrgen, män stïvvrá dujjvu gu máhttá dán jage biran virgádit giellabarrgej stuovas ållesájjgevirrgáj.
Báhkolisstoplakáhta
Dájt báhkolisstoplakáhtajt máhtá prenntit ja gatsostit vädtjaj åvvdåskåvlån, skåvlån, girrjevuorkán jala hiejman:
Lä dådnå åđđå nasjonálpárrkaháldadäjje bidumsáme guovlon?
Gasska-Nuarrtalánda nasjonálpárrkastïvvrá lä åhtsåmin åđđå nasjonálpárrkaháldadejjijt. Nasjonálpárrkastïvvrá háldada Sálltoduoddar-Tjähppisjieŋa, Juŋŋkarvuome ja Lágo nasjonálpárkajt bidumsáme guovlon; Dávga nasjonálpárkav/suoddjimpárkav mij lä gåbbátja bidumsáme ja julevsáme guovlon; ja Rágo suoddjimpárkav mij lä julevsáme guovlon — ja áj iednamvárrjalimguovlojt daj guoran.