Läp barrgam ulbmáj vaddet mija låhkejijda särra nähttatjáŋaldak gunnä lä tjuhkkiduvvum umas bidumsáme lierroriejdo. Dálä lä nähttatjáŋaldak rejjdim. Gu mana nähttatjáŋaldahkaj dä gávna dannä umas giellaressursajt, dugu báhkogirjijt, liŋkajt ietjá digitálla giellalierrorejdujda, bidumsáme báhkolisstoplakáhtajt, bidumsáme giellajiednadehtusav, ja áj álgadimev gukktä gahtjat bidumsámen. Lä áj lissto bidumsáme lävvludasajst ja lissto bidumsáme låddenamajst.
Åđđåsa
Bassemáno 22. biejven 2023: rabas älbmuktjåhkånibme Sádnesvuohta- ja vienodimkommisjuvna diedadusa birra
Nuarrtalánda nasjonálpárrkaguovdátj ja Duaddara ráfe guhttju rabas älbmuktjåhkånibmáj Sádnesvuohta- ja vienodimkommisjuvna diedadusa birra. Ásadibme akktan mállásijn lä ullu máksodak.
Duaddara ráfe lä guovdátja åđđå namma
DUADDARA RÁFE akktasatjurdnim registrerimdiededibme lä duhkkiduvvum. Dajna lä Brønnøysundregisstir ilmulatjat tjårgådim guovdátja namav. Dát merrki gu mija namma lä ässkán räkkta tjáleduvvum 2019 jage tjállemvuoge mildi.
Giellavahkko 2023: Gålgådismáno 29. biejven Sáladin: Girrjerudnam Ellen Hofsø’jna
Sáme giellavahko ulbme lä lupptit sáme gielaj gudnev ja dehtusav duddit sämij gielaj ja kultuvra birra gietjo sebrudagan. Dása sihtap áj mija åsseválldet, ja dan bálláj läp ávon gu Ellen Hofsø båhtá mijjaj ahtä vuosedit suv åđđå girjev Messe for de navnløse (Mässo namadibmijda). Ådtjop gulldalit girjest, ja girrjetjállej gallgá rudnat Stig Morten Kristensen’ijna, bäjjvásatj jådedäjje Duaddara ráffáj.
23.10.2023. Bidumsáme giellaiehket. Ságastallam viessoma birra gåden
Sáme giellaguovdátj urdnija vihta digitála giellaiehkeda gunne ságastip sámegielav. Burist båhtem maŋen årrot ja ságastallat dajn iehkedijn! Dån i dárbahe ietjat diededit. Diedde bär lieŋka nala jus sida giellaiehkedin maŋen årrot. Mánnodak…
Dálä lä bajelt 7500 bágo BidumBágojn
BidumBágoj dáhtávuođon lä bajelt 7500 bidumsáme bágo jårrgålimij girrjevuonagiellaj, åđđåvuonagiellaj, sverjigiellaj, eŋŋilsgiellaj ja dïvskagiellaj ja áj jårrgålime dán gielajst bidumsábmáj. Läp dálä dagagåhtemin bidumsáme/girrjevuonagiela báhperbágogirjev majna gallgá årrot biraskin 7500 bidumsáme artihkkala…
Läp vuärrdemin svárajt ákktsä prosjäkktaåtsålvasaj birra
Tjaktjabálen pruvvkujip söhkkit prosjäkktadårjojt — ja navtä lä áj dán jáben: 18.09.2023 rájjáj adná Duaddara ráfe – bidumsáme giella- ja kultuvvraguovdátj gákktsä prosjäkktaåtsålvasajt ma lä säddiduvvum jugu Vuona Sámediggáj jala Nuarrtalánda fyllkakommuvdnaj. Dán duädden läp åsseválldemin guäkktä-gålbmå ietjá geldulatj prosjiektajn.
Storjord:an Sáladin: Mija gulldalip – Mii guldalit
Buvvdip gulldalimietjmiellabirrguj gulldalimrumman Nuarrtalánda nasjonalpárrkaguovdátja lunnä duorastagan ja bärrjadagan biehtsemáno 1. ja 2. bejvijn. Både gulldalä låhkåmav Sádnesvuohta- ja vienodimkommisjuvna diedadusav Stuorradiggáj mija ráhppotäjgij sinnä. Duaddara ráfe – bidumsáme giella- ja kultuvvraguovdátj gillgi årrot dannä duorastagan ja guossodit gussijt guassmagijn ja gähkujn.
Gehttjit akktasatjvuodan
Sádnesvuohta- ja vienodimkommisjuvdna buakktá diedadusav Stuorradiggáj. Duorastagan biehtsemáno 1. biejven buakktá Sádnesvuohta- ja vienodimkommisjuvdna diedadusav Stuorradiggáj. Mija sihtap berustit dáv ájnas märrkabiejvev tjađa ásadit rabas sajev gunnä máhttep tjåhkånit ja gähttjat buäkktemav…
Bidumsáme giellabåddå Stårmon
Duorastakiehkedin mårbmesmáno 25. biejven 17:00-19:00 ásaduvvu bidumsáme giellabåddå Stårbmå Sáme guovdátja lunnä. Dán giellabåddå ulbme lä bájjat åsseváldeja vuogádit bidumsámev ságastit.
Lä vil båhtejájjge bidumsáme giellaj
Giella lä älu vuođolatj åsse mija identitiehtan ja máhttá iednagit gähttot mija häjbmabájke birra, ja gie mija läp. Iednaga lä sija histurjav ja identitiehtav åhtsåmin; danen ij lä nav unogasat gu «Bidumsáme giellakurrsa 1» lij nav vuorbáladtjat. Kurrsa lij tjađadam gietjo guäkkte bejvijt ja lij ullu dievas.
Bidumsáme bájjkenama registreriduvvumin kárrtaj
Bidumsáme bájjkenamma-registrerimgruhpa vuostas tjåhkkånibme ásaduvvuj gámbal ráđđeståbo sinnä Miedasvierdan vuoratjismáno 20. biejven 2023. Kurrsajådedäjje Inge Strand diededij gákktse åsseválldejijda árrvolis diededimijt ja lieradusav.
Vuona Sámedigge lä vaddám dårjov kultuvvramujjtoregistrerimij bidumsáme guovlon
2023 lä Sámedigge vaddám 2,5 milljuvna kruvnajt dårrjon kultuvvramujjtoregistrerimij, kultuvvramujjto-diededimsjylltaj, biŋnikvárrjalibmaj ja ietjá sáme kultuvvramujjtoprosjäkktaj.
Gålbmå prosjiekta gallgá registrerit bidumsáme kultuvvramujtojt:
Åđđå jådedäjje Sáme ja állgoälbmugij åtsådimguovdátjij Nuarrta universitiehtan
Tove Mentsen Ness lä nammaduvvum åđđå jådedäjjen Sáme ja állgoälbmugij åtsådimguovdátjij Nuarrta universitiehtan! Duaddara Ráfe – Bidumsáme giella- ja kultuvvraguovdátj sávvap dunji lihkov ja vuorbev åđđå bargon ja ävvudallap aktan barrgat dujna båhtej jigijn!
Sádnesvuohta- ja vienodimkommisjuvdna vaddá diedadusav Stuorradiggáj biehtsemánon
Biehtsemáno 1. b. 2023 12:00 bálen gallgá Sádnesvuohta- ja vienodimkommisjuvdna vaddet suv diedadusav Stuorradiggáj Oslon. Stuorradigge, mij lä diggum diedadusav ja lä dahkej dán ásedibmáj, gallgá strävvit vaddemav.