Sállto bidumsáme säbbre buvvdi diejvadiebmáj dujjijn ja káfájn Fuarrsabualldoláđo sinnä Dållågádden Riebevággen lávvodagan vuoratjismáno 13. biejven 14:00. Burist båhtem gájkajda – jus dä dån lä dujjuhimen duljijn, muorajn, tjurvijn; jala dån lä stihkkimin vaj gåđđemin – jala bär lijjku käffidit ja rudnatjit. Kanu ådtjo gulldalit geldulatj giehtov mav Knut vaj Rudolf gähttá. Ja måfäl gallgap juohket ájádusajt ja räđijt. Toril ja June buäkkteba dujjijt, duljijt, riejdojt ja iehtjá umijt. Rahppot gájkajda! Káffá lä gárves!
