Giella lä älu vuođolatj åsse mija identitiehtan ja máhttá iednagit gähttot mija häjbmabájke birra, ja gie mija läp. Iednaga lä sija histurjav ja identitiehtav åhtsåmin; danen ij lä nav unogasat gu «Bidumsáme giellakurrsa 1» lij nav vuorbáladtjat. Kurrsa lij tjađadam gietjo guäkkte bejvijt ja lij ullu dievas.
Duasstat bidumsámev ságastit
Giellakursa álgon gehtuj Ann-Charlotte Sjaggo sáme gielaj birra. Dán åvvdål dä udtjuji åsseválldeja vuostas leksjuvnav bidumsáme grammatihka birra. Ájnas kurrsaåsse lij duasstat dámev ságastit, danen lierrap maggár vuođolatj báhkogárgalvasajt gu álkes gatjaldagajt ja svárajt; dajdnä mähttin kurrsaåsseválldeja sámev ságastit sija gaskan. Ietjá kurrsaåse lij áppa «Sápmi knackar på» bidumsámen, ja áj mánájgirrje «Pluppa ja girradullve». Áj lij assto vádtsatjit biraskin ja vuogadit tjellgit mav vujnijmä ja gulajdä bidumsáme gielan.
Gávnaduvvup vuogadit
Gruhppa mij åssevälldin bidumsáme állgokursan lijjin mellusit válldet ruptujt suv identitiehtav, histurjav ja gielav. Gruhpa lahtasa miededijme gu verrtiji barrgat vähkkáluguj áhtä jåksådit sija ulmijda. Dálä sihti sija vuođodit ietjas giellasajev gunnä gillgi vuogadit mav sija lä juo lierram ja áj vil ienabuv lierrat. Tjåhkkånimrumma lä juo diŋgoduvvum Stårbmo Sáme guovdátjin, duorastak mårbmesmáno 25. biejven 17.00—19.00. Gájjka berustiejje lä vájmoladtjat buvvdim åsseválldet dán giellasajjáj — mij lä vuostas bidumsáme giellasijij siegen Vuona bielen.