Sálada kommuvna sihtá lävvkit ájnas lávkev gidda sáme giela ja kultuvra jåŧŧkåsiebmáj ja ninnimij, ja söhkki säbbramav sáme giellaháldadimguvvluj Vuona Sámelága § 3-1 mildi. Njukktjamáno 30. biejven 2023 lij särra åvvdånammadis- ja kommuvdnastïvvrá-tjåhkåniebme, ja sija miededi akktajienalatjat gu gillgi säddit åtsålvasav.
– Sálada kommuvdna rahtjá söhkkit stähtusav sáme giellaháldadimguavvlon nuarrtasáme vuođon, ja sämmá bálen rahtjat gidda bidumsáme giella- ja kultuvvraälládahttemij.
báhkojådedäjje Rune Berg
Sálada kommuvdna lä mihája suv sáme histurjast ja suv sáme älbmugist
Sálada kommuvdna lä mihája sáme histurjast ja suv sáme älbmugist, ja sihtá rahtjat áhtä diededit ja åvdedit sáme gielaj, kultuvrav ja mähtudagav.
Sámediggeráđđeladas ságastij Sálada kommuvdnastïvvráj
Sihti ienabuv diehtet bidumsáme giellavijjura birra
Mij sjaddá dä dán rájest?
Prosässa dán rájest lä gu kommuvdna säddi åtsålvasav Kommuvdna- ja åđđåsmuvvumdepartemänntaj, mij gallgá dán åvdåst gåhttjot Sámediggev jiednadit åtsålvasa birra. Ássjegiehtadiebme åtsålvasast säbbramij lä iemelágátjat jahke vaj ienabut.
Sálada kommuvdna ävvudallá viehkedit ninnimin sáme gielaj ja kultuvrav dán ájnas prosiessa tjađa, ja sávvá gu kommuvdna udtju säbbrat sáme giellaháldadimguvvluj ruvvaláhkáj.
[…] Tilbaketråkk: Sálada kommuvdna sihtá säbbrat sáme giellaháldadimguvvluj – Sállto.no – Sága […]