Dáv ságasta Duaddara Ráfe stïvvrá, gie njukktjamáno 1. biejve rájest lä läjjgim Olve Utne ráđđedäjjen bidumsámegiellaj.
Dálátj ájgen bissu virrge akkta jagev åssevirrgen, män stïvvrá dujjvu gu máhttá dán jage biran virgádit giellabarrgej stuovas ållesájjgevirrgáj; män dat lä tjanaduvvum ådtjomist ulguldis dårjov – Sámediggest vaj Nuarrtalánda fyllkakommuvnast.
Biejválatj jådedäjje Stig Morten Kristensen hållá Sállto.no:aj: Märrkabäjjve lä båhtám! Kristensen hållá sån lä áj alvos ávon ja hieven ja mihá stïvrá ekonåmålatj prioriterimijst – ma lijjin maj vädduga, vala dajstä lij máhttelis läjjgit Vuona vuostas giellabarrgejav bidumsámegiellaj. Dát lä alvos buorre!
Iemelágátj ásje mija barrgejij gallgá årrot tjállemijt ja mánájgirjijt bidumsábmáj ja åđåstit BidumBágo umas báhkogirjijt. Sån gallgá áj barrgat tjåhkketjálládin, vuođodiddijn ja älládahttádin bidumsáme bájjkenamajda, ja áj birrguj bidumsáme tjállemgirjijn – ja áj aktan barrgat sáme giellaguovdátjij ja ietjá akktasatjbarrgorádnaj. Miŋijmusat gallgá Utne ladas årrot Sállto.no:a tjállemstïvrán ja adnet rävvdadimvásstedimev dasa.
[…] Tilbaketråkk: – Bidumsámegiela vuostas giellabarrgej Vuonan lä virgáduvvum – Sállto.no – Sága […]