«Sámeiednam guävvdelijt» lä sämij älbmukvuolle, lä miededuvvum Sämij 22. konferánsan Váhtjerin Jilliváren 2022. Nils Aslak Valkeapää lihtij dav vuolev, man nuarrtasáme namma lä «Sámi eadnan duoddariid». Vuolle lij bäddiduvvum LP:aj sämmá namajna 1978. 1999 sebrudihtij dav suv girrjáj Girddán, seivvodan.
Sámeiednam guävvdelijt
dájt sáme mánáj viesojt
galbma gäđđge guarrba guavvlo
sáme mánáj viesso
Bäjjve Áhtje gållesållbå
alme illudagan
tsábbmá Iednam-iedne vájbmo
iellem iednon sjåvvá
Máno silba gijjgemin
jiegŋa sieva sjåvvåm
guoksagasa násstegietsalk
lådde rájjdarasan
Vuojn’ dájt Nuarrta gåhtomdäjvijt
vijdes albmerádde
garra dälkijt juojgadilli
máná vuahttomvulijt
Vuojn’ dájt fávros iednamijt
vuojn’ jävrij tjuavvgaj tjilmijt
liegga låbdes iedne asske
gävvdadäjje gieŧkam
Bägga guaddá Bägga buakktá
guävvdel dat lä guävvdel
guävvdelduogen guävvdelasken
sáme mánáj dårrvo
Sámeiednam guävvdelijt
dájt sáme mánáj viesojt
sjerrist tjuavvgá gijgastallá
sáme mánáj viesso
Olve Utne jårrgålij vuolev bidumsábmáj åđđåjakmánon 2023.
Hoi! Bra oversatt
[…] «Sámeiednam guävvdelijt» (Nils-Aslak Valkeapää: «Sámi eatnan duoddariid») […]
[…] Sámeiednam guävvdelijt (sämij älbmukvuolle bidumsámen) […]
[…] Sámeiednam guävvdelijt (den samiske nasjonaljoiken på pitesamisk) […]